19.10-21.10.2022 жыл аралығында Сайрам аудандық орталық ауруханасында Түркістан облысы Денсаулық сақтау Басқармасының ұйымдастыруымен клиникалық және функционалдық медицина академиясының академигі, медицина ғылымдарының докторы, Оңтүстік Қазақстан және Түркістан облыстарының денсаулық сақтау басқармасының басшысы болған, Шымкент қаласы мен Сайрам ауданының Құрметті азаматы, облыстық мәслихат депутаты Егізбаев Мұқан Кеңесбекұлының еске алу күніне арналған Халықаралық мультидициплинарлық мастер-класс «Бариатриялық хирургия» саласы бойынша өткізілуде.
Жоғары технологиялық медициналық қызметтер қатарына жататын «Лапароскопиялық моноанастомозды гастрошунттау» Сайрам аудандық орталық ауруханасының хирургия бөлімінде 6 науқасқа жоспарланған оталарды жасауға келесі білікті мамандар шақырылған:
- О.Оспанов - Астана МУ бариатриялық хирургия кафедрасының профессоры,
- профессор Эрен Тоскын - Түркия Стамбул университетінің медицина факультетінің хирургия кафедрасының доценті,
- профессор О.Тешаев - м.ғ.д., Ташкент медицина академиясының хирургиялық аурулар кафедрасының меңгерушісі, Өзбекстан бариатриялық және метаболикалық хирургтар қауымдастығының президенті,
- У. Рузиев - м.ғ.д (PhD), Ташкент медицина академиясының хирургиялық аурулар кафедрасының ассистенті, Өзбекстан бариатриялық және метаболикалық хирургтар қауымдастығының хатшысы.
Айта кетсек, бариатрия – әртүрлі этиологиялы сырқаттанған семіздікпен ауыратын науқастарды емдеуге маманданған хирургияның бір саласы, семіздікті емдеудің тиімді әдісі, ол пациенттердің өмір сүру сапасын айтарлықтай жақсартады және тұрақты салмақ жоғалтуға қол жеткізе алады.