ІНДЕТПЕН КҮРЕСУДІҢ ЕҢ ТИІМДІ ЖОЛЫ ЕКПЕ АЛУ
02.11.2021жылы Ақсукент ауылындағы Қ. Жандарбеков атындағы мәдениет үйінде бұқаралық ақпарат құралдарына арналған ҚР Бас мемлекеттік санитариялық дәрігерінің 20 қазан 2021 жылғы №46 «Қазақстан Республикасының халқы арасында коронавирустық инфекция ауруының алдын алу жөніндегі шараларды одан әрі жүргізу туралы» бекітілген қаулысын түсіндіруге арналған брифинг өтті.
Спикерлер қатарында аудан әкімінің орынбасары Оразалиев Мадияр Мұхтарұлы, аудандық санитариялық-эпидемиологиялық бақылау басқармасының басшысы Түктібай Ералқасын Жақаншаұлы, Сайрам аудандық орталық ауруханасының бас дәрігері Ыдырысов Қалдыбай Сәдуақасұлы, Қарабұлақ аудандық ауруханасының бас дәрігері Қожахметова Эльмира Ағабекқызы қатысты.
Түркістан облысы әкімінің орынбасары А. Сабитов бекіткен іс-шара жоспары және Түркістан облысы денсаулық сақтау басқармасы, Түркістан облысы адами әлеуетті дамыту басқармасы, Түркістан облысы санитариялық-эпидемиологиялық бақылау департаменті бірлескен бұйрығын негізге ала отыра
Сайрам аудандық орталық ауруханасында 15.11.2021жылынан бастап оқушылар мен жүкті әйелдерге коронавирусқа қарсы «Pfizer» компаниясы шығарған "Комирнати" вакцинасын салу басталды.
«Pfizer» екпесі 12-ден 18 жасқа дейінгі жасөспірімдерге, жүкті әйелдер мен лактация кезеңіндегі әйелдерге ерікті түрде салынатынын ескертеміз. Екпе азаматтардың өз келісімімен ғана жүргізілсе, жасөспірімдерді вакцинациялау – тек ата-анасының немесе заңды өкілінің келісімімен жүзе асады.